Il november 2020 ei plevon Christoph Zingg vegnius elegius dalla pleiv sco niev plevon e meinafatschenta dalla fundaziun Tür auf – mo vinavon. Igl 1. d’october eis el entraus en sia nova plazza. Ei fa a nus grond plascher che Christoph Zingg ei sedecidius da far la midada naven dil marcau ora sin la tiara e surprender cheu novas sfidas. Nus giavischein ad el da tut cor tut bien, bia plascher e success en sia nova incarica. Nus selegrein sin ina buna collaboraziun, biaras bialas ed interessantas sentupadas e beneventein Christoph Zingg cheu a Mustér cordialmein.
Christoph Zingg ein naschius 1962 a Turitg. Neu da siu engaschi a Bever ils onns 90 enconuscha Christoph Zingg ils basegns dalla populaziun muntagnarda, la baselgia evangelica reformada grischuna ed il cantun Grischun. Dapi lu eis el era commember dalla sinoda girschuna. Denter auter ha el tgamunau ils davos 20 onns la fundaziun ovras socialas da plevon Sieber.
La suprastonza dalla pleiv ed il cussegl d’administraziun